PantunMinang

Kumpulan #PantunMinang Edisi “Baju Lapang”

Salamaik datang di program pantun pertama secara live di twitter.. inilah dia #PantunMinang

#PantunMinang hadir di timeline dunsanak tiok rabu malam mulai jam 9 malam

Salamaik malam dunsanak! malam kini kito basobok baliak dalam acara #PantunMinang Sabalun masuak tema #PantunMinang, ambo nio maingek an tentang aturan main #PantunMinang, disimak:
1. wajib pakai hestek #PantunMinang
2. Pantun indak buliah manganduang unsur pornografi dan SARA
3. Usahokan #PantunMinang nan sanak buek pas 140 karakter tamasuak hashtagnyo #PantunMinang. Buliah dimentionkan, buliah indak.
4. #PantunMinang yang dibuek, sesuaikan dengan tema. Tema diumumkan jam 9, sekaligus menandai mulainyo #PantunMinang.
5. Indak sadolah #PantunMinang bisa di-RT. Kalau di RT sadonyo kanai limit tweet. Jadi nan ndak di RT jan bakaciak hati lo
6. Untuak dunsanak nan ndak ikuik #PantunMinang jan dicopas #PantunMinang sanak kito. Gunoan fitur retweet/RT di twitter.
Untuak malam kini (13 November 2013) #PantunMinang diagiah tema “Baju Lapang

  1. Badan ketek baju lapang | Baragi bagarih garih | Awak ketek gadang karengkang | Dilawan bana inyo manangih – @teroeskan
  2. Si buyuang makan barimah | pai sikola babaju lapang | acok-acok lah basidakah | bia beko kuburan lapang – @jakpem
  3. baju lapang pai ka balai| kabalai mambali lado| ilmu apo nan adiak pakai| sampai uda tagilo gilo – @kurniaherdi
  4. baju lapang cubo pasampik | pasampik di tukang jaik | cari kepeang batambah sarik | mangko nyo badan samakin panik – @yunanda86
  5. Si udin pai ka surau- ka surau ba baju lapang- dima hati indak ka risau- tiok hari dikaja utang – @hufiza_allif
  6. Baju lapang sarawa sampik | Bapakai pulo ka nan rami | Mahasiswa gaek sabana paik | Wisuda alun apolai babini – @ShaqJuventini
  7. Si buyuang pakai baju lapang | dibaok main ka tangah ladang | Pai baraja ka nagari urang | cito-cito satiok pemuda Minang – @33_aam
  8. nakan damin bajunyo lapang | bamain-main jo tutuik termos | ba a damin indak paniang | tiok sabanta batanyo “info dong rumah kos” – @Jhorud
  9. Cabiak ujuang sibaju lapang | batumbok pkai sikain saruang | Si ujang lah balumuik manjomblo tagang | dek alun punyo pelet japang – @Panglima__
  10. Urang baralek jalan baampang | anak daro lalok di pintu | sarawa senteang baju lah lapang | jikok nio tolong dibantu – @hendrisajaa
  11. Baju lapang sarawa tangga | Di pakai buyuang pai malala | Oi sanak rajin-rajin lah baraja | Supayo manjadi juara – @PelajarMinang
  12. Baju lapang bali di pasa | Indak lupo bali tarompa | Jadi mahasiswa iyo merana | Tiok bimbingan judul batuka – @ShaqJuventini
  13. Sarawa pendek baju lapang | itu lo nan mode jaman kini | badan ketek karengkang gadang | diagak an bana inyo lari – @AhmadFadhel
  14. Sarawa maloro | baju lapang babalah | Mari isuak puaso asyuro | doso tahun patang diampuni Allah – @tifaniirdi
  15. Baju gadang kanai aia lanyah | tabasuah langsuang jo aia hujan | lah ndak tanang bapikia lah susah | cubo lah langsuang mangadu ka Tuhan – @Zulfandr_i
  16. baju sampik baju lapang | babali baju dibangkinang | kok hati nio sanang | mari kito ramikan acara #PantunMinang – @OP_syah
  17. Sanangnyo babajo lapang | Katiak dingin diambuih angin | lamo bana badan malajang | Dunia kini lah taroso dingin – @teroeskan
  18. Pai sakolah babaju lapang | sarawa maloroh pakai tarompa| cukuik sudah hiduik batanggang |awak lah geroh beko manyasa – @agungandun
  19. kaluak paku lenggang malenggang | bungkuih lado jo daun pisang | sarawa gantuang baju lah lapang | dek ulah dikaja utang – @kurniaherdi
  20. Sarawa mimin sabana lapang | baitu pulo jo baju lapang | Rabu malam tidakkan pernah langang | sabab ado #PantunMinang – @Firman_fun
  21. Baju lapang bakeh rang tuo | dipakai jo anak cucu | baa ndak ka sansai juo | nasi baru batanak di bae mati lampu – @NickoGumbz
  22. Maleh hati babaju lapang | tapi baa nasib ki nan malang | Baa hati idakkan tanang | takana badan idak sumbayang – @Firman_fun
  23. Anak gadih babaju Lapang | Baraja mamabaco ndak salasai | Tabik tangih pangana manarawang | Takana cinto nan lah usai – @rerenniittaa
  24. Marawa di tiok simpang | itu patando adonyo alek | sarawa lapang baju pun lapang | dek karano badan batambah ketek – @hendrisajaa
  25. sarawa sampik baju lapang | trend manggaya rang mudo kini | Si buyuang batambah dalang | dek wisuda alun juo sampai kini – @ita_rilta
  26. Macet jlan di simpang ampang | siap mandi bapakai baju lapang | sambia bagolek maluruihan pinggang | marilah kito badendang di #PantunMinang – @papiiwan
  27. Baju lapang sarawa panjang | dibali di pasa todak | Susah iduik di rantau urang | rokok tapuntuang kopi tadadak – @fikridainir
  28. Baju lapang sarawa ketek | Alah aneh mantuak si Luna | Jikok masih harato rang gaek | Usahlah kawan maongeh bana – @ShaqJuventini
  29. Edu hengkang dari semen padang | hengkangnyo dek baagiah baju lapang | iko salahnyo malam batanggang | badan abih tingga tulang – @LinggaArza
  30. Pai baralek ka piaman | baju lapang nan ka dipakai | jikok dunsanak lai bariman | nan limo wakatu jan tabangkalai – @UncuPaoel
  31. Pai ka pasa jo cik uniang | pai mambali baju lapang | Batambah bangga jo bahaso minang | caliak urang rami bapantun di #PantunMinang – @ita_rilta
  32. baju lapang lah batindawan | di pakai jo urang puruih | tiok malam numpang t4 kawan | dek piti kos manunggak taruih – @Vivianchameleon
  33. Baju lapang yo bana gadang | Mungkin ambo dek kni kuruih | Taibo hati diri den surang | Pole nan kni alah sibuk taruih – @AjayKivattE

Komentar

loading...
To Top
Loading...