Salamaik datang di program pantun pertama secara live di twitter.. inilah dia #PantunMinang
#PantunMinang hadir di timeline dunsanak tiok rabu malam mulai jam 9 malam
Salamaik malam dunsanak! malam kini kito basobok baliak dalam acara #PantunMinang Sabalun masuak tema #PantunMinang, ambo nio maingek an tentang aturan main #PantunMinang, disimak:
1. wajib pakai hestek #PantunMinang
2. Pantun indak buliah manganduang unsur pornografi dan SARA
3. Usahokan #PantunMinang nan sanak buek pas 140 karakter tamasuak hashtagnyo #PantunMinang. Buliah dimentionkan, buliah indak.
4. #PantunMinang yang dibuek, sesuaikan dengan tema. Tema diumumkan jam 9, sekaligus menandai mulainyo #PantunMinang.
5. Indak sadolah #PantunMinang bisa di-RT. Kalau di RT sadonyo kanai limit tweet. Jadi nan ndak di RT jan bakaciak hati lo
6. Untuak dunsanak nan ndak ikuik #PantunMinang jan dicopas #PantunMinang sanak kito. Gunoan fitur retweet/RT di twitter.
Untuak malam kini (20 November 2013) #PantunMinang diagiah tema “Bungo Kacubuang”
- Bungo kacubuang buah dalimo | merah-merah bungo kamboja | Dak usah binguang kalau dihino | Nan pantiang sadonyo bapantun gembira – @TaufiqIhsan
- batu banamo si kacubuang | diikek perak basapuah ameh | mangko banamo bungo kacubuang | ilang bungo baunnyo malameh – @uda_marley
- Daun jarak bungo kacubuang | ditanam urang di tangah ladang | oi adiak jan lah bamanuang | beko jadi sasaran musang – @bu_yuik
- Bungo kacubuang didalam lawik | Diambiak urang dibawok katapian | adiak disinan cameh kalaruik | Disiko uda panuah parasaian – @vattorix_
- mandaki ka bukik napa | basobok bungo kacubuang | Dek hari dingin paruik lapa | lah abih nasi sacambuang – @achionseven
- susun basusun bungo kacubuang | basusun rancak diateh loyang | Dima hati indak ka muruang | cinto digantuang si adiak sayang – @blankxys
- Pai mamatiak bungo kacubuang | Jalan ka rimbo baolah galah | Oi adiak taulah di untuang | Ingek rang gaek manyiangi sawah – @ShaqJuventini
- Sicerek jo bungo kacubuang | Diambiak untuak ka ubek | Awak ketek gadang lambuang | Jikok tagak sabana barek – @Bunga_Rampai80
- Bungo mawar bungo kacubuang | nan ciek lai bungo delimo | rajin-rajinlah manabuang | untuak bekal di hari tuo – @Angga_arrya
- Bungo kacubuang babaun busuak | Rami inggok dek dek ramo ramo | Kalo urang baati busuak | Tandonyo jauah dari agamo – @teroeskan
- Bungo kacubuang tumbuah di samak | diambiak urang masuak dalam peti | mari buang sgalo yang ndak lamak | bia nak tanang hati ko kini – @TilkaSilmayona
- dalam carano basusun siriah | siriah dicabiak lalu dimakan | daunnyo laweh bungonyo putiah | bungo kacubuang dinamokan – @uda_marley
- Sabana kancang tabang buruang | Karimbo mancari bungo kacubuang | Sabana taragak denai jo kampuang | Makan sambalado jo gulai taruang – @ramjani_taufik
- Bungo kacubuang bungo rampai | tumbuahnyo di tapi ladang | Apo guno cinto di samai | kalau adiak baganti kumbang – @hasbullaht
- Yo rancak bungo kacubuang | Putiah balikuak di pamatang | Alah buruak galak si buyuang | Mancaliak upiak digaduah bujang – @mantelsepatu
- Pai kaparak maambiak bungo kacubuang | maambiaknyo di ateh kayu lapuak | lah abiah nasi 3 cambuang | nan badan indak jo gapuak – @AjiPutraR
- Bungo kacubuang dalam lasuang | pangek bada dalam balango | usai bakaco nyo tamanuang | maingek badan nan masih jomblo – @kapuyuakkloting
- Bungo kacubuang patah di dahan | sangajo dipatiak jo urang gunuang | malang nasib ambo yo Tuhan | pitih ndk ado di sinan tamanuang – @NickoGumbz
- Bungo kacubuang bungo talarang | Usah dipatiak usah dibuang | Sangko madonna pindah ka padang | Kironyo adiak sadang badendan – @ShaqJuventini
- Bungo kacubuang ditangah laman | Babuah babungo balun | Apo gunonyo rancak roman | Kalo mangango angok baun – @teroeskan
- Buah naneh bungo kacubuang | dipaga urang bia tumbuah kokoh | alah panek danga cemeeh urang kampuang | dek ulah diri alum basuo jodoh – @ciemadhit
- Urang tarakan pai ka pakan | mambaok sakebang bungo kacubuang | tiok makan takana mantan | manyuok sambalado tibo di iduang – @kapuyuakkloting
- Parak gadang bakabun laweh | bungo kacubuang di tapi rimbo | Jiko cinto indak tabaleh | siang jo malam hati taibo – @EriEndribel
- Lah layua bungo kacubuang | Dek cako indak basiram | Lah lusuah bantuak si buyuang | Tiok ari makan jo garam – @teroeskan
- Apo lah guno bungo kacubuang | Ditanam inyo babaun | Tiok sanjo acok tamanuang | Biaya iduik dak turun turun – @teroeskan
- bungo kacubuang bungo taratai | rancak bana mahias tabek | si buyuang kini marasai | dek dulu palawan ka urang gaek – @kadaikopi
- Rancak tumbuahnyo bungo kacubuang | tumbuah di parak uda Sati | awak buliah luruih tabuang | tapi mangecek tolong hati-hati – @bennybern
- Bungo kacubuang kambang dilaman, bungo cimpango kambang sanjo, ka urang tuo usah malawan, kok lai nio masuak surugo – @kurniaherdi
- Bungo kacubuang tumbuah di laman | sagandiang jo bungo rayo | lah mamanuang mancaliak kawan | awak surang inyo baduo – @tilofa
- Ambiak saketek bungo kacubuang | Ambiak sarato jo bungo rampai | Adiak kamek bahiduang mancuang | Rambuik bak cando mayang taurai – @Bunga_Rampai80
- ka banduang ba kain saruang | jan lupo baok bungo kacubuang | daripado duduak bamanuang | ambiak salimuik bae lalok bagaluang – @Rj_Mantari
- Bungo kacubuang dalam boto | dibaok urang ka kinali | kok dapek urang nan dicinto | lansuang baok ka angku kali – @kapuyuakkloting
- Bataman rumah gadang | Ditanam bungo kacubuang | Kok badan yo lai gadang | Bapikia co urang binguang – @teroeskan