Don't Miss it

Kumpulan #PantunMinang Edisi “LDR” (Laruik Di Rantau)

#PantunMinang hadir di timeline dunsanak tiok rabu malam mulai jam 10 malam

Salamaik malam dunsanak! malam kini kito basobok baliak dalam acara #PantunMinang
Sabalun masuak tema #PantunMinang, ambo nio maingek an tentang aturan #PantunMinang, disimak:
1. wajib pakai hestek #PantunMinang
2. Pantun indak buliah manganduang unsur pornografi dan SARA
3. diharok an kapado dunsanak, bapantun jan supayo di-RT. Bueklan pantun sa kreatif mungkin. okey?

Untuak malam kini ( 16 Januari 2013) #PantunMinang nyo diagiah tema “LDR (Laruik Di Rantau)

  1. dek ulah mancari kandih | tasangkuik sarawa di ateh batang | dek ulang mancari pitih | lah takabek di rantau urang – @
  2. rami urang di Lintau | rami dek anak mudo-mudo | lah laruik iduik di rantau | jo @infoSumbar takana juo – @abahhafidz1
  3. dek ulah manangkok pantau | tatungkuik di banda gadang | dek ulah lamo di rantau | lah lupo lidah jo raso randang – @infoSumbar
  4. Rami anak pai kasurau | kasurau pai mangaji | sajak denai pai marantau | kampuang Nan alun tasilau lai – @imahfahmi
  5. Dek acok minum jamu | nan badan batambah gadang | dek karano mancari ilmu | lah lamo ndak ka sma semen padang – @SMA_SEMENPADANG
  6. Si danil urang sitinjau | karajonyo main layang-layang | dek karno lamo di rantau | adiak di kampuang di ambiak urang – @bu_yuik
  7. pai manciang baok apuang-apuang | dielo ikan lapeh juo | Kandak ati lai nak pulang kampuang | piti tiok di cari nyo abi juo – @nofriengkibusra
  8. ka pariaman belok ka kanan | singgah sabanta di kayu kalek | basaba lah adiak disinan | uda cari pitih modal baralek. – @udafidel
  9. jalan kaki ka tigo baleh | mato silau dek cahayo | dagang abih pitih lah tandeh | badan dirantau jomblo pulo – @damnoise
  10. Si midun digigik tungau | dek bamain di tanah lapang | dek balaki Jo urang rantau | badan lah lupo jalan pulang – @imahfahmi
  11. kok talok mamak banyanyi | Banyanyi kito sambia bagoyang | Drantau ibo hati ambo jalani | Untuak nafkah mande disubarang – @yopifebrian
  12. Rimbo sabana rimbo | Rimbo panuah dek samak baluka | Ibo sabana ibo | Lah satahun ndak pulang ka Mungka – @ElSyukry92
  13. Tinggi tabangnyo bangau | tabangnyo subana bakasan | Jiko kawan lah laruik di rantau | jan lupo kawan nan di kampuang halaman – @yessicave
  14. Kapasa bali cincau | cincau dibungkuih dalam peti | bia den “laruik di rantau” | ranah minang tatauk di hati – @ariguber
  15. Ikan pantau buah duku | dijua urg di pasa using | Jikoklah marantau indak ba ilmu | alamek nasib yo ka malang – @fajaarhd
  16. Duduak-duduak di dakek lapau | sambia mambali nasi kapau | lah lamo ambo marantau | indak takana bantuak taplau – @SMA_SEMENPADANG
  17. lain lauik lain ikannyo | si ikan pantau baganti maso | lain tanah lain guraunyo | tibo di rantau sindia ndak taraso – @alfaruky
  18. jalan basamo ka lubuaklinggau | jan lupo baok kamera | dek lah lamo iduik di rantau | badan kuruih sarupo tiang bendera – @mikowaldufri
  19. Anak sipasan dalam samak | baduo jo bilalang | lah larek badan dirantau mak | alun bini ndak buliah pulang – @eQ_abai
  20. luruih jalan ka maninjau | babelok jalan ka bukiktinggi | dek saking lamak di rantau | alun juo takana untuak ka babini – @82Davit
  21. Buyuik rambuiknyo kitiang | dalam rambuiknyo ado pantau | lah hanyuik denai dek tari piriang | takana badan sadang di rantau – @danil_adp
  22. rang koto pai ka ngalau | singgah dahulu di piladang | lah tuo badan di rantau | nan jodoh ndak kunjuang datang – @damnoise
  23. Kalau indak pandai manyetir | Jan dicubo mambao oto | Walau labiah satahun di Mesir | Raso galamai indak ka lupo – @ElSyukry92
  24. Nasi padang bali di lapau, Samba lado jo lauak randang, Nasiblah awak di rantau, Susah sanang diraso surang – @dennybatubara
  25. Ketek-ketek pai main ka halau | pai maliek kunang-kunang | dek lamo di tanah rantau | lidah patah-patah mangecek bhso minang – @puputtripeni
  26. jalan2 ka lubuak aluang | singgah subanta di pasa usang | samakin jauah dari kampuang | samakin manih rasonyo randang – @CaaLmadya
  27. naik NPM pai ka riau | kironyo sasek ka kiliranjao | alah lamo den marantau | nan kampuang takana juo – @andhikaje
  28. Si danil mangaja bangau | bangau dapek langsung disipak | Urang nan lamo laruik di rantau | sakali pulang mambao pitih banyak – @yessicave
  29. Di lapau banyak urang bagurau | Di masajik banyak urang mangaji | Dunsanak sadonyo yang marantau | jan lupo wak bangun juo nagari – @Cool_rif
  30. main koa pai di lapau | bacari mandan nan agak tuo | lah maratok bana badan di rantau | taragak jo mande pitih ndak ado – @giegieghagha
  31. Sambilu saiknyo padiah | jo piladang molah ubeknyo | Surang di rantau ati nan sadiah | takana amak buek samba lado – @OlidPanuli
  32. yo tasabuik pensi maninjau | lamaknyo lain dari nan lain | Bia denai laruik di rantau | pado mancaliak adiak jo urang lain – @Sutan_dirantau
  33. Iyolah tinggi buruang tabang | si buruang balang kaki | Rumah gadang maimbau pulang | tanah rantau manahan kaki – @indahps_07
  34. Birunyo aia danau maninjau | rancak dicliak dari btang mangga | Walaupun lah lamo hiduik di rantau | sambayang jo mangaji jan sampai tingga – @yessicave
  35. ka pasa mambali cincau,tibo di sinan tajilapak | walau ambo sadang di rantau | tapi @infoSumbar tetap buek ambo galak-galak – @veyuveby
  36. Mancari buluah ka pasa using | buluahnyo sungguah taba-taba | Badan nan jauah di rantau urang | Mantan di kampuang apo kaba – @Yelly7393
  37. Marapi Gunuangnyo tinggi | julang manjulang jo singgalang | nasib di rantau den tangisi | takana mandeh tingga surang – @KOMBECKS
  38. rumah gadang sambilan ruang | baririk rangkiang nan di halaman | walaupun laruik di rantau urang | kato nan ampek jan dilupokan – @hendrisajaa
  39. Katitiran masuak ka rumah | nan sarato jo buruang balam | Dek nasib di rantau alun barubah | mako den anggan bakirim salam – @pujiakbar3
  40. Jalan kaki di tapian danau | kironyo aia lah bacampua gincu | dek lah lamo hiduik di rantau | katiko pulang lah mambaok cucu – @IhsanArrab