PantunMinang

Kumpulan #PantunMinang Edisi “Nasi Kapau”

infosumbar

Salamaik datang di program pantun pertama secara live di twitter.. inilah dia #PantunMinang

#PantunMinang hadir di timeline dunsanak tiok rabu malam mulai jam 9 malam

Salamaik malam dunsanak! malam kini kito basobok baliak dalam acara #PantunMinang Sabalun masuak tema #PantunMinang, ambo nio maingek an tentang aturan main #PantunMinang, disimak:
1. wajib pakai hestek #PantunMinang
2. Pantun indak buliah manganduang unsur pornografi dan SARA
3. Usahokan #PantunMinang nan sanak buek pas 140 karakter tamasuak hashtagnyo #PantunMinang. Buliah dimentionkan, buliah indak.
4. #PantunMinang yang dibuek, sesuaikan dengan tema. Tema diumumkan jam 9, sekaligus menandai mulainyo #PantunMinang.
5. Indak sadolah #PantunMinang bisa di-RT. Kalau di RT sadonyo kanai limit tweet. Jadi nan ndak di RT jan bakaciak hati lo
6. Untuak dunsanak nan ndak ikuik #PantunMinang jan dicopas #PantunMinang sanak kito. Gunoan fitur retweet/RT di twitter.
Untuak malam kini (30 Oktober 2013) #PantunMinang diagiah tema “Nasi Kapau

  1. Nasi Kapau di los lambuang | Pasa lereng tampek balanjo | jadi urang tau diuntuang | kok diagiah gaek syukuri sajo – @Ranggantengboco
  2. Anak cacak anak kabau | main dikubangan aia karauh | sabana lamak nasi kapau | sampai presiden makan batambuah – @kurniaherdi
  3. Nasi kapau rasonyo lamak | Rancak dimakan basamo samo | Mari bapantun ondeh dunsanak | Untuak melestarikan budayo kito – @PantunPM
  4. Takana amak di sungai Limau | Baranti sabanta di padang lua | Sabana lamak makan Nasi Kapau | Bialah habih piti kalua – @ridho_rivaldo
  5. Nasi kapau alah bacindawan | balatak an dalam carano | kalo mangecek jan banyak bana kawan | ciek-ciek se tapi baguno – @AnggaOrlando3
  6. nasi kapau sabana lamak | lamak dimakan jo samba gulai | baa utak ndak ka samak | pilkada salasai sawah tagadai – @BramNasrul
  7. rujak taruang nasi kapau | sambanyo tambah jo randang | daripado awak manggalau | labiah rancak ikiuk #PantunMinang – @arifdotkom
  8. pak beye pai ka lapau | pai nyo jo kareta | pak sby makan nasi kapau | tapakuak 20 juta – @Vivianchameleon
  9. Nasi kapau angek indak maleleh | Kalau dingin indak bakarek | Kok mudo alah pamaleh | Paik taraso waktu lah gaek – @alvermahdapati
  10. Nasi kapau nasi nan tanamo | Lamak dek urang tuo jo mudo | Yo babahayo gaya paja ko | Bao oto rental bedo lo lagaknyo – @ShaqJuventini
  11. Caliak samba paruik lapa | Baranti sabanta di Nasi Kapau | Kawan jauhanlah narkoba | Pitih abih awak sakau – @RafdiRahmadi
  12. Nasi Kapau Gulai Tambunsu | Bacampua Jo Kacang Panjang| Mari Kito Ramikan Surau| Tampek Mangaji jo Sumbayang – @yunanda86
  13. Nasi kapau lamak rasonyo | dicampua sambalado | bia kuruih samparono | kok makan amuah tambuah limo – @papiiwan
  14. Nasi kapau makan jo samba | Sambanyo samba randang | Tasarah sia manang pilkada | Yang jaleh jujur mamimpin kota Padang – @Bukan_Ariell
  15. Angek-angek nasi kapau | makan jo samba taruang | ingek-ingek lah urang rantau | sanak sudaro nan di kampuang – @MitraNck
  16. Bali karupuak di lapau | dibaok pulang naiak oto | sabana lamak makan nasi kapau | amuah mailia aia salemo – @papiiwan
  17. Sabana lamak nasi kapau | Dimakan jo sambalado | Oi anak nan di rantau | Jan lupo jo urang tuo – @Ie_Chong
  18. Makan nasi jo samba randang | Nasi kapau jo samba lado | Takana maso bujang-bujang | makan tigo dibaia duo – @kurniaherdi
  19. Makan batambuah jo samba lado | Makannyo jo nasi kapau | Tasirok darah di dado | Dek ranah minang lah maimbau – @Bukan_Ariell
  20. Nasi kapau sabana lamak | dimakan disanjo hari | kini sadonya bapulang ka mamak | lah panek mancari calon bini – @KabaSumbar
  21. makan nasi kapau sapiriang baduo | nasi dimakan jo urang rumah | lah bara lamo kito ndak basuo | palapeh rindu badan tabaok rabah – @Rizki_pepe14
  22. Nasi Kapau nasi rang Agam | kok di rantau jarang tasuo | Urang bagurau nan awak baok ka dalam | lah tamanuang se dek kanai duto – @AgeAnggana
  23. Nasi kapau lamak rasonyo | dicampua jo gulai cubadak | iyo sadiah hati denai malam ko | sia nan dapek mambuek galak – @nika_saranghae
  24. nasi kapau sabana lamak | ditambah jo uwok taruang | dima bumi dipijak | disitu langik dijunjuang – @RafdiRahmadi
  25. Pai baralek ka pasa gadang | mambaok siriah jo carano | jikok rindu jo ranah minang | nasi kapau lah ubeknyo – @Robbisajjha
  26. Nasi Kapau jo tambunsu | Dimakan samo sayua lalidi | Supayo pandai rajin baguru | supayo tinggi naikan budi – @RafdiRahmadi
  27. Siang2 makan nasi kapau | dicampua samba lado itiak | Dimalah hati indak karisau | doso sabukik amal satitiak – @tifaniirdi
  28. nasi kapau dijua murah | nasi cocok untuak berhemat | iko pantun untuak bagarah | tapi baa nan banyak nan curhat – @DeRiskKid
  29. Tasabuik namo si nasi kapau | nasi dimakan urang palimo | iduik bakcando carito lapau | indak tau dima ujuangnyo – @hendrisajaa
  30. Nasi kapau yobana nikmat | Makan baduo di bawah hujan | Sadang bapantun ado nan curhat | Namonyo sambia manyalam makan bakwan – @ShaqJuventini
  31. Jalan-jalan ka balai baru | singgah sabanta makan nasi kapau | Wahai engkau Walikota nan Baru | ilangan lah pondok nan di Taplau – @33_aam
  32. Urang Minang balapau nasi | Tasabuik bana si Nasi Kapau | Baa caronyo ka batanang hati | Tabayang adiak mangkonyo risau – @wendysukmajaya
  33. Tinggi tabangnyo bangau | pulangnyo ka kubangan juo | sakali-sakali makan nasi kapau | yo taraso seronyo – @firm4n_
  34. nasi kapau gulai padeh | lamak dimakan basamo-samo | bialah abih bialah tandeh | asa lai dapek nan dicinto – @nexx_coffee

Komentar

loading...
To Top
Loading...