PantunMinang

Kumpulan #PantunMinang Edisi “Tarompa Japang”

Salamaik datang di program pantun pertama secara live di twitter.. inilah dia #PantunMinang

#PantunMinang hadir di timeline dunsanak tiok rabu malam mulai jam 9 malam

Salamaik malam dunsanak! malam kini kito basobok baliak dalam acara #PantunMinang
Sabalun masuak tema #PantunMinang, ambo nio maingek an tentang aturan main #PantunMinang, disimak:
1. wajib pakai hestek #PantunMinang
2. Pantun indak buliah manganduang unsur pornografi dan SARA
3. Usahokan #PantunMinang nan sanak buek pas 140 karakter tamasuak hashtagnyo #PantunMinang. Buliah dimentionkan, buliah indak.
4. #PantunMinang yang dibuek, sesuaikan dengan tema. Tema diumumkan jam 9, sekaligus menandai mulainyo #PantunMinang.
5. Indak sadolah #PantunMinang bisa di-RT. Kalau di RT sadonyo kanai limit tweet. Jadi nan ndak di RT jan bakaciak hati lo
6. Untuak dunsanak nan ndak ikuik #PantunMinang jan dicopas #PantunMinang sanak kito. Gunoan fitur retweet/RT di twitter.
Untuak malam kini (09 Oktober 2013) #PantunMinang diagiah tema “Tarompa Japang

  1.  Ka lpangan main layang-layang | sudah main dibae minum skotang | ka musajik niek an lah sambahyang | jan untuak mancilok tarompa japang – @Angga_arrya
  2. Sutan mudo pai sumbayang jumaik | ilang tarompa japang pulangnyo | Anak mudo kini ndak tau adaik | sangsaro nagari kasudahannyo – @hamdiirza
  3. Ka musajik pakai tarompa japang | pulangnyo jo kaki ayam | yo nasib alah malang | ciek ujian alah karam – @muhardinata39
  4. Batambuah makan jo bada | Apolai jo gulai kantang | Mailak adiak batamu uda | Malu dek uda batarompa japang – @Shaqjuventini
  5. Tarompa japang jo tangkelek | dipakai urang ka rumah sajik |kapalo lapang kaniang mangkilek | tapi sayang utaknyo sampik – @Bunga_Rampai80
  6. Tarompa japang bali di sarang | Dipakai ka padang panjang | Dari pado balangang” dirantau urang | Ancak wak ikuik – @AnakRantauMng
  7. jalan-jalan ka rumah datuak | mamakai tarompa japang | dek tugas banyak manumpuak | malamko siap batanggang – @arifdotkom
  8. Punyo kaki punyo tangan | dari kini rajin usaho | Tarompa japang se punyo pasangan | angku kok masih jomblo – @Ranggantengboco
  9. Tarompa japang duo sapasang | dipakai jalan bairiang | alah dari tadi urang manunggu #pantunminang | eh ruponyo mimin lalok lo salayang – @kurniaherdi
  10. Pucuak Ubi Pucuak Pisang | Samo hijau kaduonyo | Nasib buruak si tarompa japang | Putuih ciek tabuang kaduonyo – @wendysukmajaya
  11. Elok dipakai Tarompa japang | abih raginyo dimakan paluah | ijan lah ota nan dipagadang | buliah kawan indak manjauah – @paja_tadin
  12. Masak dagiang yo didapua | dipakai si tarompa japang | Rayo haji momen keluarga bakumpua | nan awak indak di Padang – @bimaekananda
  13. Tuan Aji manggaleh k pakan | Bapitih byk didalam puro | Sepatu hak tinggi nan wak kandak an | Tarompa japang nan dibalinyo – @Nina_Azmi
  14. Pai mambali tarompa japang | Mambalinyo di hari pakan | Hati nio bakasiah sayang | Tapi batapuak sabalah tangan – @ShaqJuventini
  15. Anak rantau pulang ka kubuang | ma ayun langkah jo tarompa japang | malam rabu usah mamanuang | labiah elok bagabuang di pantun minang – @kurniaherdi
  16. ka Basko pakai Tarompa Japang | bali baju untuak rang tuo | zaman kini cari pacar ndak caliak tampang |yang penting nyo barusaho & karajo – @nandagusra
  17. Pai ka kadai bali tarompa japang | tibo di kadai lah bautang | yo payah iduik di rantau urang | pitih sayuik makan lah kurang – @NickoGumbz
  18. Urang solok pai ka padang | pai ka pdg pakai tarompa japang | Budi elok banyak nan sanang | kok tak elok badan tabuang – @febi_amertha
  19. Jaan beda sabalah bali tarompa japang | bali lah yang serasi | UTS lah datang | mari baraja bia IP bisa tinggi – @Angga_arrya
  20. tarompa japang tacucuk paku | dipakai buek kaki luko | dima lo cinto kito kabasatu | uda ameh denai suaso – @nonweni
  21. Antah apo nan denai pikir | Tarompa japang diagiah peniti | iko derita mhs tingkek akhir | sadang stres mikian judul skripsi – @uyaadie
  22. tarompa japang batali hijau | ukurannyo no salapan | sejak adiak manyubarang pulau | uda acok lupo makan – @Zulfandr_i
  23. Pai ka kadai mambali samek | indak lupo mambali tarompa japang | Cewek ko subana kamek | kironyo namonyo bambang – @NickoGumbz
  24. Tarompa japang dipasang dilangan | Jan dicubo karano itu salah | Kok cinto batapuak sbalah tangan | Aia tabu pun taraso ampadu tanah – @astrocio
  25. Tarompa japang nan tanamo | Dipakai untuak ka sawah | Alun tantu mamulai usaho | Nan sanak lah mulai manyarah – @AnakRantauMng
  26. Tarompo japang sabalah kiri | Tarompa hilang di rmh s kilun | Bia lah denai d rantau kini | Di kampuang baguno balun – @DeRiskKid
  27. Sapatu lokak alah mangkaruik | tarompa japang alah putuih | sabana tinggi tagak rambuik | dek ulah di tembak patuih – @yudhicted
  28. Urang balingka pai ka pasa | ka pasa mamakai tarompa japang | kalau ingin hiduik bahagia | jan sampai tinggakan sumbayang – @iqbalanas
  29. Urang gilo ba tarompa japang | lai sarawa indak babaju | lah dicubo maminang urang | tapi induaknyo indak katuju – @hendrisajaa
  30. pai balanjo ka parak karakah | mambali sapasang tarompa japang | kalau iduik lah rajin sadakah | kubua manjadi lapang – @TungKuNoNo
  31. Tangkelek babunyi dipijak | Tarompa japang ndak basuaro | Harusnyo Pantun Minang untuak galak-galak | Tapi malah banyak curhat isinyo – @Bukan_Ariell
  32. Sore2 manggaleh kue talam | dikaki pakai tarompa japang | Mimpi apo marapulai samalam | Alek tagak anak daro hilang – @bimaekananda
  33. Pai bajalan banyak kelok | bajalan pakai tarompa japang | Yo sanang punyo kawan elok | hati sanang pangana tanang – @daniRrrahman14
  34. Sipatu kulik datang mangkilek | tarompa japang pai marunuik | Di awak hiduik taraso barek | dek urang ado sagalo cukuik – @jieverhoeven
  35. Urang koto pai mangaju | pulang mambaok tarompa japang | kok karajo lai bagaji | baru tarimo abih mambaia utang – @kuriniaherdi

Komentar

loading...
To Top
Loading...