PantunMinang

Kumpulan #PantunMinang Edisi “Uok Patai”

Salamaik datang di program pantun pertama secara live di twitter.. inilah dia #PantunMinang

#PantunMinang hadir di timeline dunsanak tiok rabu malam mulai jam 9 malam

Salamaik malam dunsanak! malam kini kito basobok baliak dalam acara #PantunMinang Sabalun masuak tema #PantunMinang, ambo nio maingek an tentang aturan main #PantunMinang, disimak:
1. wajib pakai hestek #PantunMinang
2. Pantun indak buliah manganduang unsur pornografi dan SARA
3. Usahokan #PantunMinang nan sanak buek pas 140 karakter tamasuak hashtagnyo #PantunMinang. Buliah dimentionkan, buliah indak.
4. #PantunMinang yang dibuek, sesuaikan dengan tema. Tema diumumkan jam 9, sekaligus menandai mulainyo #PantunMinang.
5. Indak sadolah #PantunMinang bisa di-RT. Kalau di RT sadonyo kanai limit tweet. Jadi nan ndak di RT jan bakaciak hati lo
6. Untuak dunsanak nan ndak ikuik #PantunMinang jan dicopas #PantunMinang sanak kito. Gunoan fitur retweet/RT di twitter.
Untuak malam kini (6 November 2013) #PantunMinang diagiah tema “Uok Patai

  1. Makan lamang jo pisang simbatu | uok patai campua sagu | sungguah malang yatim piatu | lalok dilantai indak babaju – @VievheWisholic
  2. Uok patai dimakan jo sagu | Karano bareh sedang di niru | Lamo bana rasonyo denai manunggu | Tapaso kini cari nan baru – @AtaurRazaq
  3. Uok partai babaun busuak | Tapi lamak jo lado mudo | La tagadai pambali rokok bisuak | Dek karano jando mudo – @AbahJempol
  4. uok patai jo sambalado | dimakan jo goreng maco | tasirok darah di dado | ombak baguluang apo nan ka tibo? – @DelisaSayidina
  5. Naiak sampan baraja mandayuang | sampan dikabek jo basi rantai | yo taragak pulang k kampuang | makan sambalado jo uok patai – @firm4n
  6. Makan jo sambalado bada uok patai | Ondeh iyo sabana sero | Baa pangana indak ka sansai | Urang karajo nan awak mangango – @Beebybeh
  7. Hari rabu makan nasi jo uok patai, bacampua samba lado jo goreng tahu, dahulu bantuak ndak bisa k bacarai, bisuak ma awak tau – @TikaSilmayona
  8. Den kini lalok acok mangigau | Dek takana calon mintuo | lamak bana makan di rantau | UOK PATAI dirumah takana juo – @alrazyalwis
  9. Uok patai makan baselo | Batanak jo bareh solok | Kok kamamakai barang ambo | Tolong dijago elok elok – @teroeskan
  10. Pucuak ubi jo uok patai | dimakan jo samba lado | iduik bakcando co kursi santai | urang sanang awak nan bedo – @hendrisajaa
  11. Uok patai dimakan jo lauak bonta | dicampua juo galamai | ampiang takalok denai jo banta | dek manunggu pantun minang dimulai – @MuhammadAji_10
  12. Pucuak ubi uok patai | samba lado kalio jariang | Sajak kuliah iduik marasai | kulik putiah batambah kaliang – @socibyt
  13. Gulai jariang uok patai | makan jo samba lado tanak | Kalau hati lah takanai | tiok sabanta raso taragak – @hamdiirza
  14. Uok patai jo kalamai | digemai urang parak salai | kok hati tu nan lah kanai | dikijok amay-amay luluah jo hati denai – @kapuyuakkloting
  15. Uok patai lamak di makan | apolai ditambah sambalado tanak | Sabana malu ambo jo kawan | sadang manonton bola di jampuik amak – @hasbullaht
  16. Uok patai lamak rasonyo | Apolai kok pakai samba lado tanak | Hati ko lah sabana taroroh ka inyo | Eh, kironyo kami badunsanak – @qorinaDia
  17. pai main ka balai baru | makan nasi jo uok patai | walikota baru | tenda ceper ndak ado lai – @dheendheny
  18. Uok patai dimakan urang | Jo samba lado samba tahidang | Alah Basarok yo pantai Padang | Gara-gara payuang ceper saparo kambang – @bang_dho
  19. Damin suruah awak buek pantun | Yang temanyo uok patai | Iduik ko lah habih dek malamun | Dek cinto jo adiak nan indak sampai – @AtaurRazaq
  20. Pai makan kapantai sasak | sambalado patai kawan nasinyo | lah lamo denai taragak | adiak rancak dima rimbonyo – @andesla_sajoo
  21. Pagi pagi pai kaladang | dibaok cangkua jo garobak | banyak samba nampak tahidang | uok patai juo nan kalamak – @Robbisajjha
  22. pai mkan k rmah mntuo | ruponyo lah tahidang samba uok patai | jiko umua lah smakin tuo | pabanyak lh sumbayang la – @febri_febrian
  23. sambalado tanak jo uok patai | dimakan basamo di simp. alai | dek kuliah talampo santai | urang alah wisuda awak alun lai – @nonweni
  24. Uok patai lamak dimakan | dimakan patang rabu | Kok mauleh indak bakasan | kok mambuhua indak babuku – @uda_marley
  25. Bialah pagi makan pisang | Asa malam uok patai jo lamang | Bialah baraja pagi sampai batanggang | Asa hati urang tuo sanang – @puputtripeni
  26. Samba lado jo uwok patai | Kalio jariang di masak dulu | Iyo bedo badan bacarai | cando ladiang indak bahulu – @Bunga_Rapai80
  27. Uok patai lamak d makan | Apolagi tambah teh manih | Mancaliak truk nan bagandengan | Nan jomblo bnyak nan manangih – @DeRiskKid
  28. Pantai puruih dikota padang | Rami diurang sanjo sanjo | Uok patai jo samba randang | Salero minantu tlng kana jo mintuo – @teroeskan
  29. bintang korea makan uok patai | mambuek nyo pindah ka kampuang | dek takuik piti ndak sampai | kini marokok tapaso sampai ka puntuang – @alzaryalwis
  30. Ka ampera bali uok patai | pas pulang onda kanai pacah ban | baa kok sekolah ndak salasai | waktu abih pai pacaran – @hamdanyzainul
  31. Uok patai jo samba bada | Makan basamo di padang lalang | Masih takana di kapalo uda | Senyuman adiak tahun kapatang – @ShaqJuventini
  32. Makan nasi samba uok patai | dimakan ditangah sawah | bialah kini badan marasai | untuang kok isuak jadi anugerah – @tayleleoe
  33. Makan nasi jo uok patai | makannyo di wakatu rinai | baa hati denai ndak ka kanai | galak uda manih cando galamai – @revetya

Komentar

loading...
To Top
Loading...