PantunMinang

Kumpulan #PantunMinang Edisi “Jawi”

Salamaik datang di program pantun pertama secara live di twitter.. inilah dia #PantunMinang

#PantunMinang hadir di timeline dunsanak tiok rabu malam mulai jam 9 malam

Salamaik malam dunsanak! malam kini kito basobok baliak dalam acara #PantunMinang
Sabalun masuak tema #PantunMinang, ambo nio maingek an tentang aturan main #PantunMinang, disimak:
1. wajib pakai hestek #PantunMinang
2. Pantun indak buliah manganduang unsur pornografi dan SARA
3. Usahokan #PantunMinang nan sanak buek pas 140 karakter tamasuak hashtagnyo #PantunMinang. Buliah dimentionkan, buliah indak.
4. #PantunMinang yang dibuek, sesuaikan dengan tema. Tema diumumkan jam 9, sekaligus menandai mulainyo #PantunMinang.
5. Indak sadolah #PantunMinang bisa di-RT. Kalau di RT sadonyo kanai limit tweet. Jadi nan ndak di RT jan bakaciak hati lo
6. Untuak dunsanak nan ndak ikuik #PantunMinang jan dicopas #PantunMinang sanak kito. Gunoan fitur retweet/RT di twitter.
Untuak malam kini (16 Oktober 2013) #PantunMinang diagiah tema “JAWI

 

  1. Makan nasi di parak siang | makan jo ikan balado | Banyak jawi nan talantang | dek kanai dabiah di hari rayo – @hamdiirza
  2. Harum Pandan Tumbuah di Laman | di Siram Hujan mangko ka Basah | Tamanuang Si JAWI Korban | Maliek Pisau Nan Ba Asah – yunanda86
  3. mambayia oto barek diongkos | untuak mambaok pulang jawi | mudah2an anak kos | sapakan ko indak makan supermi – @sandi_dara
  4. Taba kuliknyo kabau balang | ampuak dagiangnyo jawi tuo | Lah lamo uda ndak pulang | tibo-tibo adiak lah babadan duo – @hamdiirza
  5. Pai raun ka andaleh | bajalannyo sambia bagandeng | apak jo anak alah lameh | manunggu jawi nan ka jadi dendeng – @dielphotoworks
  6. Pai malam pulangnyo pagi | indak taraso lenonyo badan | yo malang manjadi jawi | idul adha harus dikurban – @yogikaputra
  7. Jalan2 ka Lintau | Nampak urang mandabiah jawi | Meski idul adha lah talampau | Jan putuih silaturrahmi – @arifdotkom
  8. Pacu jawi di tanah data | pacu itiak di payokumbuah | Baru tau uda adiak gadang ota | mamanciang pulo di aia karuah – @hamdiirza
  9. pai ka tangaia mairik jawi | jawi dibasuah awak lansuang mandi | bukannyo awak ndak nio mambali | emng awak alun barasaki – @agitaprilindo
  10. Sungguah Rami Pasa Taranak| Rami Dek Urang Manjua Jawi| Rusuah Kini Nak Bujang Amak| Caliak Kawan Kawan Lah Babini – @yunanda86
  11. Pai bajalan ka pasa taranak | pai mambali si jawi qurban | hari rayo yo taraso lamak | acok badoa dakek jo Tuhan – @yudha_patra
  12. Iyolah banyak guno si jawi | talabiah nan alah tuo | ciek nan jan ditiru dari jawi | sadang lalok mangunyah juo – @puputtripeni
  13. Ka padang panjang mambali sawi | ka lubuak basuang mambali rakik | talampau banyak makan dagiang jawi | Siap rayo langsuang masuak rumah sakik – @ie_moet91
  14. Tinggi tabangnyo sikumbang sagu | kok lah panek pai ka sarangyo | Jaleh bana dek anak rantau | yo baun jawi se nan dapeknyo – @haensoemhendro
  15. Bajalan luruih ateh pamatang | Kalau tajatuah badan sansai | Sabana maibo Jawi kapatang | Alun babini lah kanai bantai – @ShaqJuventini
  16. Pai mambali jawi ka pasa | dek pitih indak cukuik dibali kambiang | iyo hati sabana manyasa | manolak urang maagiah randang – @Ilvan_Nugroho
  17. Ka bukik mambali jawi | dek disitu hargonyo murah | sungguh padiah rasonyo hati | kironyo uda talambek salangkah – @zakimadani
  18. Marsosok caro bajua bali jawi | harago cocok hadiah sa uteh tali | dicaliak berita di tipi | tiok hari ado pejabat nan korupsi – @Rj_Mantari
  19. oi ayah kanduang | lah ambo agiah makan jawi | payah-payah dari kampuang | kironyo dikos surang diri – @vnandaemafdhal
  20. Darah taserak di tanah lapang | Mangalia dari lihia JAWI | Nah, Kurban jan tuak rancak dipandang | Tapi niaik lillahi rabbi – @Boy_Valdi
  21. Kopi itam rasa manis pahit | Dibueknyo acok kajamban | Ado Jawi patang ngetwit | Pado jomblo bialah jadi Qurban – @ShaqJuventini
  22. Tiok pagi buyuang gubalo jawi | masuak samak kalua samak | niaik hati yo nak kababini | tapi jodoh ko alun juo tampak – @sopir_oto
  23. Anak itiak pai baranang | Induak jawi pai balari | Sungguah payah manggigik randang | Dek awak ndak bagigi – @BramNasrul
  24. Hari slasa mambantai jawi | Hari rabu mamasak randang | Sanang bana hati si dewi | Dak lamo lai ka dipinang urang – @ifzan_qwerty
  25. Di tabek banyak ikan pantau | Kalo jawi banyak di kandang | Kirimanlah randang ka rantau | Bia tahibur yang ndak bisa pulang – @Bukan_Ariell
  26. Rang indaruang jawinyo gadang | dibali dek rang banuhampu | Malang bana nasib kito nan di padang | tiok sabanta mati lampu – @BuyuangCogaa
  27. Mantiaknyo angkot kampuang kalawi | Merah mudo warna cat bodinyo | Raso badoso mancaliak anak jawi | Dek kito mamam dagiang amaknyo – @astrocio
  28. Pai makan ka rumah si ujang | nampak jawi nan mamakiak | kok ado umua nan panjang | buliah lah kito batamu baliak – @OctavianEdriken
  29. Ado kabau ado jawi | ado kambiang makan rumpuik | baa caro awak ka babini | makan jo balanjo wak surang se alun cukuik – @yudikawee
  30. Jikok jawi acok malanguah | Tandonyo mintak adu | Bulan haji kacio panuah | Untuak modal babulan madu – @teroeskan
  31. Dikala jawi nan babek | nan gadang mulai rusuah | takalo aja lah dakek | baru takana jo pitaruah – @uda_marley
  32. Manunggu dewi pulang karajo | uda Makan kalikih campua santan | Mancaliak jawi dibantai hari rayo | taragak randang adiak buekan – @band_dho
  33. nan jawi lah nyo irik di uda | nan kambiang alun basuo | a guno capek wisuda | kok ujuangnyo manganggur juo – @rahmaganbatte
  34. Ka padang mambali Jawi|jawi gadang ka disemblih|kok sayang jan di bali|mantang uda urang bapitih – @leniyumiati
  35. Tanak badarai si samba lado | lamak dimakan jo uok patai | Lah maranyuak jawi batino | dek nan jantan abih dibantai – @uda_marley
  36. Dicangkua sawah jo ladang | Diirik jawi ka kandang | Kok adiak cinto ka abang | Cubo tarimo abang maminang – @wendysukmajaya
  37. Lah rami jawi di baok ka surau | mananti wakatu dipotong basamo-samo | tangiang kampuang maimbau | taganang si aia mato – @papiiwan
  38. kancang-kancang oto di kalawi | eloklah kito jalan manapi | urang di kampuang basamba dagiang jawi | nan dirantau cukuik se jo abon sapi – @CaaLmayda
  39. Puaso arafah sabalum rayo | jawi basiapan manjadi kurban | yo payah mancari karjo | duduak tasanda dek parasian – @Zulfandr_i
  40. Jawi kampuang jawi simental | Mulah baok ka kmpuang subarang | Baa denai ndak ka kanai mental | Rang gaek adiak sangaik pamberang – @hzvengeance
  41. Dagiang jawi buek kaliyo | buek kaliyo di hari rayo | Uda kaliang putiah giginyo | mambuek denai jadi tadayo – @Bunga_Rampai80
  42. Jikok ado ameh saganggam | elok dijua pambali jawi | langik lindok hari lah kalam | adiak den tunggu kini lah pai – @hendrisajaa

loading...
Komentar

Trending

To Top
Loading...