Salamaik datang di program pantun pertama secara live di twitter.. inilah dia #PantunMinang
#PantunMinang hadir di timeline dunsanak tiok rabu malam mulai jam 9 malam
Salamaik malam dunsanak! malam kini kito basobok baliak dalam acara #PantunMinang
Sabalun masuak tema #PantunMinang, ambo nio maingek an tentang aturan main #PantunMinang, disimak:
1. wajib pakai hestek #PantunMinang
2. Pantun indak buliah manganduang unsur pornografi dan SARA
3. Usahokan #PantunMinang nan sanak buek pas 140 karakter tamasuak hashtagnyo #PantunMinang. Buliah dimentionkan, buliah indak.
4. #PantunMinang yang dibuek, sesuaikan dengan tema. Tema diumumkan jam 9, sekaligus menandai mulainyo #PantunMinang.
5. Indak sadolah #PantunMinang bisa di-RT. Kalau di RT sadonyo kanai limit tweet. Jadi nan ndak di RT jan bakaciak hati lo
6. Untuak dunsanak nan ndak ikuik #PantunMinang jan dicopas #PantunMinang sanak kito. Gunoan fitur retweet/RT di twitter.
Untuak malam kini (26 September 2013) #PantunMinang diagiah tema “Marapi”
- Dari ma datangnyo kundiak | dari marapi ka singgalang | Dari ma sajo ondeh diak | lah jam sagiko baru pulang – @hamdiirza
- Gunuang Marapi manjulang tinggi | tagak manjago gunuang Singgalang | Bara bana taragaknyo hati | apo kadayo alun bisa pulang – @ElfitEka
- Sungai pua d gunuang marapi | banyaklah urang mambuek ladang | baa kaba dunsanak kini | apo lai dunsanak sanang – @willpane
- Dipandang pandang gunuang singgalang | indak sa gagah gunuang MARAPI | kasiah abih sayang ndak ilang | mambuek sansai si badan diri – @riharnoedwin
- Gunuang singgalang nan jo marapi | nmpak nan dari pandakian | dimalah denai ndak baibo ati | bungo den sayang pindah jambangan – @willpane
- Mandaki singgalang alah pernah | Barencana mandaki marapi | Walaupun sikola batambah payah | Harus tetap punyo sumangaik barapi-api – @DaraIndahYZ
- Dimano asa titiak palito | di baliak telong nan batali | darimano asa niniak moyang kito | iyo dari lereang gunuang marapi – @willpane
- Gunuang marapi sabana coga | Di sinanlah carito berasal | Lah baganti urang batoga | Awak masih maelo proposal – @ShaqJuventini
- Taratak gunuang pasaman | MARAPI bagandiang duo | taragak usah bapasan | dalam mimpi kito Basuo – @paja_tadin
- Marapi Gunuangnyo sati | Luhak Nan tigo manguliliangi | indak tabanduang ibonyo hati | kain putiah kini lah baragi – @uda_marley
- Nan aktif gunuang marapi | Nan mati gunuang singgalang | Baa ndak sakik raso hati | Bungo di tangan disemba urang – @Bukan_Ariell
- Manunggu pagi di Marapi | nak jan takalok bae minum kopi | Bilo lah kapa uda ka tapi | lah ndak talok denai mananti – @ala_nissa
- Gunuang marapi gunuang singgalang | nan dicaliak dari subarang | Baa hati ndak ka sanang | Bini duo indak pamberang – @DennisEdya
- Marapi barasok taba | raso” tando ka maledak | ba a hati ndak ka saba | tiok hari storan manunggak – @Zulfandr_i
- Koto baru di kaki gunuang | pangka marapi jo singgalang | sayo badan di rantau urang | takana hati nak nio pulang – @kurniaherdi
- Gunuang marapi sabana tinggi | kok ndak picayo cubolah daki | Yo agak payah tamat kini | labiah acok di timeline pado skripsi – @ala_nissa
- Kalam sudah puncak marapi | Nak Gadih banamo puti sarunai | lah dari kapatang kapalo den barapi | Nan thesis ko alun juo salasai lai – @Nina_Azmi
- Mandaki Gunuang Marapi jo si Anto | sambia mandaki maisok samsu | Sabana malang hati denai ko | mancaliak isi dompet tingga saribu – @hasbullaht
- Gunuang marapi tinggi manjulang | urang bukik pai ka solok | Sajak uda kinilah jo urang | Siang malam mato ndak bisa lalok – @dhewysartika10
- mandaki ka puncak marapi | nampak puncak gunuang singgalang | kalau sanak sadang manonton tipi | lamak di kawan jo karupuakkantang – @KarupuakKantang
- kurinci jo singgalang | nan katigo gunuang marapi | dari banci tumbuah lah sayang | dari sinan taraso getaran hati – @katokatoPADIAH
- Gunuang Marapi gunuang sianggalang | dicaliak dari ampek angkek | Disangko marantau ka sanang | kironyo sansaro nan di dapek – @KabaSumbar
- Lereang marapi rumah si midun | Dakek nan juo rumah si siti | Lai mah rami nan pandai bapantun | Kok ado lombanyo baa gak ati? – @KOTALAMApdg
- gunuang marapi puncaknyo duo | ado garuda ado merpati | bilo lah kito ka basuo? | palapeh canda jo risau hati – @Rizki_pepe14
- Gunuang talang ba aia angek | gunuang marapi bapuncak duo | iyo lah malang nasib tasurek | cinto dilarai urang tuo – @kurniaherdi
- Sakik atinyo gunuang pasaman | Ulah MARAPI basandiang duo | dilangik hari nan hujan | jatuah kabumi satitiak tido – @paja_tadin
- Mandaki ka marapi | nampak lah padang panjang | tiok malam tabaok mimpi | tapi apo dayo, denai hanyo bisa mamandang – @katokatoPADIAH
- Gunuang Marapi di Bukittinggi | Gunuang Singgalang di PadangPanjang | Jikok kawan baibo hati | Iko ubeknyo si #PantunMinang – @wendysukmajaya
- Marapi manggaganyo baruntun | batu gadang banyak bagolong | sambia manstrika mambaco pantun | indak tau baju lah bolong – @ksofila
- Ka Marapi bao nasi kapau | Ka Piaman nan tasabuik pantai | Denai sadang duduak di lapau | mangopi indah sambia basantai – @KabaSumbar
- Tinggi-tinggi gunuang marapi | gunuang singgalang tagak manjago | nan hilang dapek di ganti | di ganti indak ka sarupo – @utarielsangri
- Kenalan jo anak daro | kironyo inyo urang bunguih | Bilo lah kasalasai skripsi ko | Kalau judul baganti taruih – @rahmaganbatte
- Indak dek singgalang asoknyo turun | Ulah marapi basandiang duo | indak dek sanang kami bapantun | hanyo paubek hati nan ibo – @paja_tadin
- Kalam dek kabuik pandangan kini | kironyo lah batuak pulo gunuang Marapi | Alah panek bahabih hari | nan skripsi alun juo jadi – @ala_nissa
- Gunuang marapi mancari lilik | bacakak alang jo cendrawasih | lampu mati batrai pun sayuik | cukuik sekian tarimo kasih – @hendrisajaa