PantunMinang

Kumpulan #PantunMinang Edisi “RUSUAH”

Salamaik datang di program pantun pertama secara live di twitter.. inilah dia #PantunMinang

#PantunMinang hadir di timeline dunsanak tiok rabu malam mulai jam 9 malam

Salamaik malam dunsanak! malam kini kito basobok baliak dalam acara #PantunMinang
Sabalun masuak tema #PantunMinang, ambo nio maingek an tentang aturan main #PantunMinang, disimak:
1. wajib pakai hestek #PantunMinang
2. Pantun indak buliah manganduang unsur pornografi dan SARA
3. Usahokan #PantunMinang nan sanak buek pas 140 karakter tamasuak hashtagnyo #PantunMinang. Buliah dimentionkan, buliah indak.
4. #PantunMinang yang dibuek, sesuaikan dengan tema. Tema diumumkan jam 9, sekaligus menandai mulainyo #PantunMinang.
5. Indak sadolah #PantunMinang bisa di-RT. Kalau di RT sadonyo kanai limit tweet. Jadi nan ndak di RT jan bakaciak hati lo
6. Untuak dunsanak nan ndak ikuik #PantunMinang jan dicopas #PantunMinang sanak kito. Gunoan fitur retweet/RT di twitter.
Untuak malam kini (23 Oktober 2013) #PantunMinang diagiah tema “RUSUAH

  1. Labek hujan nan di malam hari | Dari siang lai mulai gerimis | Lah rusuah rasonyo jari | Dek ulah bbm android baru dirilis – @reyaalvionitha
  2. Mamanciang di aia karuah | dapek ikan ndak bamato | Yang pakai blekberi jadi rusuah | dek hpnyo untuak bbm sajo – @hamdiirza
  3. Dima latak nyo nagari pauh | pauh dakek dari pariaman | Baa mintuo ndak ka rusuah | anak nyo balaki jo pareman – @udaBuayo
  4. Urang koto baliak dari kubang | basuah badan jo gayuang | Dek gara-gara foto adiak jo abang | rusuah urang sakampuang – @rgniati
  5. Usah pauah nan adiak tabang | Galigato nan kabasuo | Usah rusuah adiak di kampuang | Cinto denai jo adiak juo – @mbah_coim212
  6. jalan-jalan ka galagah | kaki baluluak iyo dibasuah | pacuma bawajah gagah | kok karajo mambuaek RUSUAH – @rahmaganbatte
  7. Lalok lamak lalok bakaruah | Dipakai salimuik taba | Janlah amak bahati rusuah | Tahun bisuak awak wisuda – @teroeskan
  8. dima lataknyo nagari pauah | pauah dakek di piaman | baa badan ndak k jatuah | dek banyak bana raso nan tatahan – @Ikaa2010
  9. jalan-jalan ka sungai panuah | jan lupo singgah di bayang | di ma hati indah k rusuah | si jantuang hati alun juo pulang – @Ciand_uciha
  10. Batagak batu di palupuah, batagak kudo2 di sungai patai. Banyak urang padang nan rusuah, dek calon walikota ndak sasuai – @hamdiirza
  11. Rusuah demo anak mahasiswa | kapalo baikek jo macam-macam kain | raso lapeh rago jo nyawa | pas uda pai jo nan lain – @reyaalvionitha
  12. baju lusuah dipakai mangaji | tibo disurau ustad berang-berang | awak rusuah dek alun tarimo gaji | bini dirumah alah berang-berang – @kadaikopi
  13. hati rusuah ushoan tanang | bia urang indak tau | makan lasuah jo hati sanang | biapun utang staba buku – @Zulfandr_i
  14. jalan jalan ka payokumbuah | singgah sabanta di labuah silang | dima hati indak ka rusuah | dapek pacar mato karanjang – @putri_arb
  15. Hari angek muko dibasuah | Muko dibasuah di wc musajik | Baa hati indak karusuah | Urang nan dicinto dirawat di rumah sakik – @AjayKivattE
  16. Elok dipacapek babini | kalau lah siap jo sagalo sasuatu | Kok rusuah uda dalam hati | ado adiak tampek mangadu – @hamdiirza
  17. Pai ka pasa balu talua puyuah | Pai nyo pakai cigak baruak | baa hati nak karusuah | Mamikian calon walikota nan manumpuak – @thessa_md
  18. Urek baringin tampaik baselo | ko daunnyo tampaik bataduah | sabana malang nasib nan ko | tiok hari marintang rusuah – @uda_marley
  19. Si tujuah bandanyo dalam | bakambuik pinang mudonyo | Lah Rusuah hati di dalam | Ulah garah asa mulonyo – @yunanda86
  20. Ba’a tuan indak ka rusuah | Tupai merano dipinang balam | Ba’a badan indak ka bapaluah | Maintai jando siang dan malam – @Dr_pantun
  21. Maninjau di kaki bukik | Batang pauh tumbuah tangaia | Dirantau kini lah sarik | Badan rusuah utang tak tabaia – @AnakRantauMng
  22. Jo padati ka payokumbuah | tibo disitu muko karuah | Dima hati ndak ka rusuah | mancaliak mintuo lah tabik paluah – @randusatria
  23. dari padang ka payakumbuah | singgah sabanta di padang panjang | dima hati ndak ka rusuah | awak bansaik, banyak utang – @abix_rebel
  24. Sadiahnyo mandi di aie karuah | Mandi di tabek buyuang lepai | Jikok ati alah rusuah | Karajo jadi tabangkalai – @Boy_Valdi
  25. Mangga Harum manis jo Kuini | Di angkuik pakai puso | Rusuah mancaliak anak mudo kini | Bangga jikok mambuek doso – @zelvi_s
  26. Katiko hujan hati rusuah | Katiko tarang inyo sanang | Kok gandang alah ditabuah | Tandonyo baralek gadang – @prayandaa
  27. Ka rantau urang mancari untuang | rantau manapi di pulau jawa | lah rusuah mande di kampuang | dek bujang indak ado kaba – @uda_marley
  28. Dari payakumbuah taruih ka pakan | lalok sapiciang hari lah siang | Hati rusuah dibaok makan | dalam piriang uda tabayang – @Bunga_Rampai80
  29. Buluah dirawik bakeh layang-layang | Buliah nak tabang di udaro | Rusuah uda dek adiak sayang | Cinto ditulak apo ka dayo – @wendysukmajaya
  30. Anak urang makan batambuah | karano makan jo pucuak sampelo | baa hati indak ka rusuah | denai maegang urang maelo – @hendrisajaa
  31. ndak talok usah mangaluah | Baok duduak bae batanang | Jikok sanak bahati rusuah | ambiak wuduak baok sumbayang – @leniyumiati

Komentar

loading...

Trending

To Top
Loading...