PantunMinang

Kumpulan #PantunMinang Edisi “Tarang”

Salamaik datang di program pantun pertama secara live di twitter.. inilah dia #PantunMinang

#PantunMinang hadir di timeline dunsanak tiok rabu malam mulai jam 9 malam

Salamaik malam dunsanak! malam kini kito basobok baliak dalam acara #PantunMinang Sabalun masuak tema #PantunMinang, ambo nio maingek an tentang aturan main #PantunMinang, disimak:
1. wajib pakai hestek #PantunMinang
2. Pantun indak buliah manganduang unsur pornografi dan SARA
3. Usahokan #PantunMinang nan sanak buek pas 140 karakter tamasuak hashtagnyo #PantunMinang. Buliah dimentionkan, buliah indak.
4. #PantunMinang yang dibuek, sesuaikan dengan tema. Tema diumumkan jam 9, sekaligus menandai mulainyo #PantunMinang.
5. Indak sadolah #PantunMinang bisa di-RT. Kalau di RT sadonyo kanai limit tweet. Jadi nan ndak di RT jan bakaciak hati lo
6. Untuak dunsanak nan ndak ikuik #PantunMinang jan dicopas #PantunMinang sanak kito. Gunoan fitur retweet/RT di twitter.
Untuak malam kini (12 Februari 2014) #PantunMinang diagiah tema “Tarang

  1. Malam kini yo sabana tarang | labiah tarang dari pado siang | ancak dibae ba #PantunMinang | dari pado lalok tacilantang | via @dikaarpan
  2. Malam cahayo bulan, tarangnyo sampai ka bintang, walau banyak persoalan, baok basaba baok batanang #PantunMinang | via @UnhieTomboy
  3. Oi upiak rambahlah paku / Nak tarang jalan ka parak / Oi upiak rubahlah laku / Nak sayang urang jo awak #PantunMinang #NtMS | via @chat2610
  4. Cahayo tarang wakatu sanjo, indak satarang wakatu siang, daripado sanak bamuruang sajo, rancak dibaco2 #PantunMinang 🙂 | via @UnhieTomboy
  5. Tarangny suluah ndak starang bntang. suluah dbaok pai mngaji. wlaupun bnyak rintang nan mnghadang. wak sarahan sajo ka illahi #PantunMinang | @kimjepHJC_via
  6. anai2 tabang ka rimbo. kunang2 ikua nyo tarang. yo malang nasib manjomblo. nampak rancak bini urang | via @imunk_wae
  7. Sabana kalam di rawa2, Tarang jo nyala lampu, Adiak di bukik uda di jawa, Jarang2 kito batamu #PantunMinang | via @i22ul
  8. Kok bulan cahayonyo Tarang, itu tando rancak cuaconyo. Kok panek mikian #PantunMinang, iko #Kopikawadaun ubeknyo. | via @MrUllum
  9. Tarang bulan namo kadai nasi, samba yg lamak ikan gambolo, Sadang asik mangetik skripsi, kironyo pantun minang lah mulai pulo #PantunMinang | via @dorissukma
  10. Mlm kini bintangnyo tarang || pai bjalan k kmpuang urang || lbih rancak awak bapantun minang || dari pado galau,galak2 surang #PantunMinang | via @yudha_ofika
  11. baok senter bi tarang, kalau bajalan wakatu malam, mangko denai maleh kasubarang, ibukota tu sabana kejam #pantunminang | via @imahfahmi
  12. #PantunMinang Tarang2 dsiang hari, rancak mamanciang dtapi banda, raso sanang dLm hati, dek uda lah datang jo mamak uda. 🙂 | via @ie_moet91
  13. Aia mato jatuah ka rumpuik. Jatuah ka rumpuik ilalang. Dari mato sungguah lupuik. Dari hati ndak kunjuang hilang #pantunminang | via @metaredhii
  14. Walaupun bulan lh ampia ilang / Tetap tarang di malam kamih / Ampun awak jo lagak urang / Tampang rancak baun badan amih #pantunminang | via @teroeskan
  15. Malam tarang dek ado bulan, matohari tabik dipagi hari, hati tanang dek sajuak iman, pabanyak sambahyang jo mangaji #PantunMinang | via @Noziagustian
  16. Sinar rembulan tarang dimalam hari, lamak dicaliak basamo-samo,jan lah lupo adaik jo budi,itu nan ka manjadi bekal di hari tuo #PantunMinang | via @bobby_bims
  17. Kudo balari duo duo. malam tarang bulan panuah. rancak didanga kecek rang tuo. manga dipaso nan ndak namuah #PantunMinang | via @iQeey
  18. Salailah suluah jo batu api / Bia dak tarang jalan karimbo / Yo rusuah kalo indak bapiti / Tiok bajan nampak juo cimangko #pantunminang | via @teroeskan
  19. Tarang bulan tarang cahayo/tarang manyilau kayu dirimbo/sanang nyo hati kami basamo/sanang mananti anak daro tibo #PantunMinang | via @paja_tadin
  20. Tarang cahayo si matohari,,sadang elok untuak bajamua,,kini lah acok di suruah balaki,,dek ulah mangana ngana umua #PantunMinang | via @tilofa
  21. Kaniang tarang kaniang si ipan | Kaniangnyo manyilauan | adiak sobana indak sopan | cinto uda maso dilupoan #PantunMinang | via @blankxys
  22. Karakok madang di ulu | Babuah babungo balun | Kok mandeh tarang indak katuju | Bialah ambo bao lari si upiak banun #PantunMinang | via @PrimeyogaSanada
  23. Duduak bamanuang di atok rumbio,mancaliak rancak nyo bulan tarang, basimpan lamo raso didado, apo dayo adiak jauah di subarang #PantunMinang | via @AnggaOrlando3
  24. Sabana rancak cahayo bulan,,labiah rancak di bulan tarang,,elok-elok dek rayuan,,jan sampai takicuah di nan TARANG #PantunMinang | via @tilofa
  25. tiok mlm iyo trang | ndak do lae mlm bakabuik | dek karano acok batanggang | badan denai yo nampaknyo mintak uruik #cribinilae #PantunMinang | via @Firman_fun
  26. Mlm kini bulan nyo tarang || turun malaikat dari sarugo || ba ka hati indak ka sanang || mancaliak IP di ateh tigo #PantunMinang | via @yudha_ofika
  27. Sinar tarang buek silau | deh ulah tukang bakwan | sia hati nan sadang galau | #Kopikawadaun siap jadi kawan #PantunMinang | via @KopiKawaDaun
  28. Ajak si purin ka Singgalang, ‘Tarang’ Rasonyo si bukik tuwi, Sajak pasanyo lah tapanggang, yo Padangpanjang co kota mati, #PantunMinang | via @bang_dho
  29. tarang jalan katiko pagi,labiah tarang katiko siang,jiko dunsanak indak babudi,ma mungkin hiduik ka sanang #PantunMinang | via @atik_chania
  30. Di atok duduak baselo | Mancaliak bulan sabana tarang | Ado kaba tuk dunsanak sadonyo | Pendaftaran ACCOUNTS alah diperpanjang #PantunMinang | via @AccountsUnand
  31. Anak rang baso ka lubuak basuang | Baok suluah nak nyo tarang | Kini denai acok tamanuang | Adiak ma ajak maulang sayang #PantunMinang | via @infoSumbar
  32. Tarang bulan tarang cuaco / Anak mudo sanang hatinyo / Kok dapek balaki boco / Tangah malam mintak goreng maco #PantunMinang | via @Bunga_Rampai80
  33. Malam kini yo bana taraso lamo / Di tarang bulan nan luar biaso / Antah apo gaya urang kini ko / Ibadah nyo iming2kan jo oto #PantunMinang | via @AtaurRazaq
  34. Langang malam sabana langang | Rancak rononyo si bulan tarang | Kini hati lah tadorong sayang | Tiok malam tabayang-bayang #PantunMinang | via @infoSumbar

Komentar

loading...

Trending

To Top
Loading...